လိုက်နာရမည် အချက်မျာ
◦ ပိုးသတ်ဆေးများကို အိမ်နှင့်အဝေးတွင် သိုလှောင်သိမ်းဆည်းပါ။
◦ ပိုးသတ်ဆေးများကို မူလဗူးဖြင့်သာ ထားရှိသိမ်းဆည်းပါ။
◦ ပိုးသတ်ဆေး၊ ပေါင်းသတ်ဆေးများကို တခြားအရာများ မရောပဲ သီးခြားသိုလှောင်ပါ။
◦ ပိုးသတ်ဆေးသိုလှောင်နေရာအား သတိပေးဆိုင်းဘုတ်များတပ်ဆင်ထားပါ။
◦ ပိုးသတ်ဆေးများအား ကလေးများ လက်လှမ်းမမီရာနှင့် တိရစ္ဆာများ မရောက်ရှိနိုင်သော နေရာတွင်သာ သော့ခတ်သိုလှောင်သိမ်းဆည်းပါ။
◦ ပိုးသတ်ဆေးများအား နေရောင် တိုက်ရိုက်မကျရောက်နိုင်သောနေရာနှင့် အဆောက်အဦးများအောက်တွင်သာ သိုလှောင်သိမ်းဆည်းပါ။

ရှောင်ကြင်ရမည့် အချက်မျာ
◦ ပိုးသတ်ဆေးများအား အိမ်နှင့် အိမ်အနီးသိုလှောင် သိမ်းဆည်းခြင်း မပြုပါနှင့်။
◦ ပိုးသတ်ဆေးများအား မူလဗူး မှတခြားဗူးထဲ ပြောင်းလဲထည့်သွင်းသိုလှောင်ခြင်း မပြုပါနှင့်။
◦ ပိုးသတ်ဆေးများအား ပေါင်းသတ်ဆေးများနှင့် အတူထား မသိုလှောင်ပါနှင့်။
◦ ပိုးသတ်ဆေးများ သိုလှောင်ထားသောနေရာသို့ ကလေးများ မဝင်ရောက်ပါစေနှင့်။
◦ ပိုးသတ်ဆေးများအား နေရောင်နှင့်ဖြစ်စေ မိုးရေနှင့်ဖြစ်စေ ထိတွေ့မှု မရှိပါစေနှင့်။

လိုက်နာရမည့် အချက်မျာ
◦ ပိုးသတ်ဆေးဖျော်စပ်ရာတွင် အမြဲသန့်ရှင်းသောရေကို သုံးပါ။
◦ အကာအကွယ်ဝတ်စုံများဖြစ်သော လက်အိတ်၊ မျက်နှာအကာ၊ မျက်လုံးကိုကာနိုင်သော မျက်မှန်အကြည်၊ ဦးထုပ်၊ ခါးစည်း၊ ဘောင်းဘီရှည်၊လည်ရှည်ရာဘာဖိနပ် အစရှိသော အကာအကွယ်ဝတ်စုံများကို ဝတ်ဆင်ပါ။
◦ နှာခေါင်း၊ မျက်လုံး၊ နား၊ လက်တို့ကို ပိုးသတ်ဆေးနှင့်ထိတွေ့နိုင်မှုမှ ကာကွယ်ပါ။
◦ ပိုးသတ်ဆေးအားအသုံးမပြုမီ ပိုးသတ်ဆေးဗူးတွင်ပါသော အညွန်းစာကို သေချာစွာဖတ်ပါ။
◦ လိုအပ်ချက်ပေါ်မူတည်၍ ပိုးသတ်ဆေးအား ပြင်ဆင်ဖျော်စပ်ပါ။
◦ ပိုးသတ်ဆေး အခဲများကို သတ်မှတ်ထားသော အညွန်းတိုင်းသာ သုံးစွဲသင့်သည်။
◦ ပိုးသတ်ဆေးများ ဖျော်စပ်ပြင်ဆင် အသုံးပြုနေစဥ် ဖိတ်စင်ခြင်းမရှိအောင် ဂရုပြုပါ။
◦ ပိုးသတ်ဆေးများအား သတ်မှတ်ထားသော နှုန်းထားအတိုင်းအမြဲအသုံးပြုရန်။
◦ မိမိအား အန္တရာယ်ဖြစ်စေနိုင်သော အနေအထားတွင် ပိုးသတ်ဆေးဖျန်းခြင်းအား မဆောင်ရွက်ပါနှင့်။

ရှောင်ကြဉ်ရမည့် အချက်မျာ
◦ ပိုးသတ်ဆေးများ ဖျော်စပ်ရာတွင် နောက်ကျိသောရေကို မသုံးပါနှင့်။
◦ အကာအကွယ်ဝတ်စုံ မဝတ်ဆင်ပဲ ပိုးသတ်ဆေး ကိုင်တွယ်ပြင်ဆင်အသုံးပြုခြင်း မပြုပါနှင့်။
◦ ပိုးသတ်ဆေးရည်များအား ခန္ဒာကိုယ်ပေါ်တွင် ဖိတ်ကျထိတွေ့မှု မရှိပါစေနှင့်။
◦ ပိုးသတ်ဆေးဘူးတွင်ပါသော အညွန်းစာကို မဖတ်ပဲ ပိုးသတ်ဆေးအား အသုံးမပြုပါနှင့်။
◦ ပြင်ဆင်ဖျော်စပ်ပြီးသော ပိုးသတ်ဆေးရည်အကျန်များအား (၂၄)နာရီပြီးနောက် ထပ်မံအသုံးမပြုပါနှင့်။
◦ ပိုးသတ်ဆေးအခဲများကို ရေနှင့်မရောနှောပါနှင့်။
◦ ပိုးသတ်ဆေးဖျန်းရာတွင် အသုံးပြုသောဆေးပုံးအား နမ်း ရှုံ့ခြင်းမပြုပါနှင့်။
◦ အပင်နှင့် ပတ်ဝန်းကျင်ကို အန္တရာယ်ဖြစ်စေသော သတ်မှတ်နှုန်းထားထက်ပိုသုံးခြင်းကို ရှောင်ကြဉ်ပါ။
◦ ပိုးသတ်ဆေး ကိုင်တွယ်အသုံးပြုနေစဉ် အစာစားခြင်း၊ ရေသောက်ခြင်း၊ ဆေးလိပ်သောက်ခြင်း၊ ကွမ်းစားခြင်း မပြုပါနှင့်။

လိုက်နာရမည့် အချက်မျာ
◦ ပိုးသတ်ဆေးများအား သတ်မှတ်ထားသောနှုန်းထားအတိုင်းအသုံးပြု ဖျော်စပ်ပါ။
◦ ပိုးသတ်ဆေးဖျန်းပက်ခြင်းအား အေးမြသာယာသော နေ့/အချိန်တွင်သာ ဆောင်ရွက်သင့်သည်။
◦ ပိုးသတ်ဆေးဖျန်းပက်ခြင်းအား နေသာသောနေ့တွင်သာ ဆောင်ရွက်သင့်သည်။
◦ ပိုးသတ်ဆေးဖျန်းပက်ရာတွင် သတ်မှတ်ထားသော ဆေးဖျန်းပုံးအား အသုံးပြုပါ။
◦ ပိုးသတ်ဆေးဖျန်းပက်ချိန်တွင် လေလာရာအရပ်အတိုင်း ဖျန်းပက်သင့်သည်။
◦ ပိုးသတ်ဆေးဖျန်းပြီးနောက် ပိုးသတ်ဆေးပုံးနှင့် အခြားအသုံးပြုပစ္စည်းများအား ရေနှင့် ဆပ်ပြာ အသုံးပြုပြီး ဆေးကြောသင့်သည်။
◦ ဆေးဖျန်းပြီးတောက် လူနှင့် တိရစ္ဆာများ စိုက်ခင်းအတွင်း ချက်ခြင်းဝင်ရောက်ခြင်း မရှိစေရ။

ရှောင်ကြဉ်ရမည့် အချက်မျာ
◦ သတ်မှတ်ထားသော နှုန်းထားထက် ပိုပြီး အသုံးမပြုပါနှင့်။
◦ နေပူပြင်းပြီး လေပြင်းသောနေ့များတွင် ပိုးသတ်ဆေး မဖျန်းပါနှင့်။
◦ မိုးမရွာမီနှင့် မိုးရွာပြီးချက်ခြင်း ဆေးမဖျန်းပါနှင့်။
◦ ပိုးသတ်ဆေးဘူး အခွံနှင့် ပိုးသတ်ဆေးကိုင်တွယ်အသုံးပြုထားသော အရာများအား ဆေးကြောပြီး အခြားအိမ်သုံးအတွက် အသုံးမပြုပါနှင့်။
◦ ဆေးဖျန်းထားသော စိုက်ခင်းအတွင်း အကာအကွယ်ဝတ်စုံအသုံးမပြုပဲ ချက်ခြင်းဝင်ရောက်ခြင်း မပြုရ။

လိုက်နာရမည့်အချက်မျာ
◦ ပိုးသတ်ဆေး အကြွင်းအကျန်းများအား သတ်မှတ်ထားသောစွန့်ပစ်နေရာများတွင်မြေမြုပ်စွန့်ပါ။
◦ ပိုးသတ်ဆေးဘူးခွံ အလွတ်များအား ထုရိုက်ပြီး ရေအရင်းအမြစ်နေရာနှင့်ဝေးရာ မြေကျင်းနက်နက်တူး၍ မြုပ်ပစ်ပါ။
◦ လက်နှင့်မျက်နှာအား အစာမစားမီနှင့် ဆေးလိပ်မသောက်မီ ရေနှင့်ဆပ်ပြာသုံးပြီး ဆေးကြောပါ။
◦ ပိုးသတ်ဆေးအဆိပ်သင့် လက္ခဏာတွေ့ရပါက ရှေးဦးသူနာပြုစုနည်းပြင် အရင်ကုသပါ။ ပြီးနောက်လူနာအား ဆရာဝန်နှင့်ပြသပါ။ ပိုးသတ်ဆေးဘူးအခွံအား မိမိနှင့် တစ်ပါးတည်းယူဆောင်သွားပါ။

ရှောင်ကြဉ်ရမည့် အချက်မျာ
◦ ဆေးကြွင်းဆေးကျန်များအား ရေသွင်းရေထုတ်မြောင်းများ၊ ကန်များနှင့် အခြားရေအရင်းအမြစ်များဧ။် အနီးအနားတွင် မစွန့်ပစ်ပါနှင့်။
◦ ပိုးသတ်ဆေးဗူးအခွံ အလွတ်များအား အခြားသောအရာများ သိုလှောင်သိမ်းဆည်းရန်အတွက် အသုံးမပြုပါနှင့်။
◦ ပိုးသတ်ဖျန်းရာတွင် အသုံးပြုထားသော အဝတ်အစားများ မလျော်ဖွတ်မီနှင့် ရေမချိုးမီ အစာစားခြင်း၊ ဆေးလိပ်သောက်ခြင်း မပြုပါနှင့်။
◦ ပိုးသတ်ဆေးအဆိပ်သင့် လက္ခဏာဖြစ်ပါက ဆရာဝန်အား မပြသခြင်း မပြုပါနှင့်။ ထိုသို့ပြုလုပ်ခြင်းသည် လူနာ၏အသက်အား အန္တရာယ်ရှိစေသည်။